The Last Oga
by
Da'vid Kin
Every oga get oga
but God na the last oga
at the mention of
his name, every every dey at attention
all my enemies una
go see but una no go chop
i better pass my
neighbour no dey baba God dictionary
na to show them love
him talk, tuale Final Godfather
area boy na goat,
home boy na sheep, Who be your shepherd?
make i no swear for
you oo, the wicked man still dey laugh
him think say him go
dey there forever, na vanity you dey see so
yanki no be heaven
and heaven no get visa and ticket on sale
if we go, we don go
be that. No be till-you-come-back journey
make your waka no
over pass waka waka
if you do me, you do
yourself na you go suffer
i no go beg for
bread i dey work but owo go kill lazy man
idowu who get this
money? you don steal again abi? take k'em back
na for black man
country we still dey pray for light
Oga get oga, who be
your oga?
God na halele God na
wayo, no body be like k'em
na dumb go spread
word for market square talk say "believe in yourself"
if the sun no go
down, magra man go die of sweat
even if fish no fry,
fish na fish but talk no be talk
Him talk rain fall,
the jebu man talk fire fall. talk no be talk
there is nothing
anybody can do, means talk to the last Oga at the top
before and after
egusi soap comes washing of hands
make mouth dey yearn
thank you like that for every goodness matter
no over tear eye
give world, if not your eye go see pain
i am like a lonely
boy in sambisa village, fear or success are my options
garden egg no dey
hatch but plant them see
my name na "i am
a winner" and my father na the last oga
everything you touch
this we-days, you go hear how much you go pay take em?
make the last oga no
call us useless servants na why we dey use we-talents
make your head dey reason each
line you read
No comments:
Post a Comment